Taken for granted

Take someone or something for granted
1. to expect someone or something to be always available to serve in some way without thanks or recognition;
2. to value someone or something too lightly.

Pagwawalang bahala o pagwalang importansya sa isang bagay o tao. Minsan sa pag aakala natin na ang isang bagay o tao ay lagi lang sa ating tabi o lagi lang natin makukuha o makakasama, nakakalimutan natin silang bigyang halaga. Nakakalimutan nating pasalamatan o bigyan ng karampatang importansya ang kanilang pagiging tapat sa atin. Nakakalimutan nating bigyan nang angkop na gantimpala o rekognisyon ang kanilang katapatan. Ito ay maiiuugnay sa kasabihang English na "One day you’ll realize you lost a diamond while too busy collecting stones". Madalas mangyari sa buhay natin na nasa huli ang pagsisisi. Isang beses lang tayo daraan sa mundong ito kaya kung meron kang dapat pasalamatan o itangi sa kanilang pagiging tapat at pagiging lagi nating maaasahan ay dapat gawin na natin ngayon. Baka dumating ang panahon wala na sila at hindi na natin maibabalik ang kahapon. Ang tanong ay napahalagahan ba natin ang pag aaruga at pagiging tapat ng ating magulang, ng ating asawa, ng ating mga anak, ng ating kaibigan. Na appreciate na ba natin sila, sana naman hindi pa huli at hindi pa natin sila na ta take for granted.

Procrastinate

Procrastinate, Procrastinator, Procrastination:
1. To delay; to be dilatory.
2. To put off till to-morrow, or from day to day; to defer; to postpone; to delay;

Isang hindi magandang ugali ng tao lalo na ng Filipino na kung saan napagwawalang bahala nya ang isang bagay at ito ay nakakaligtaan o hindi nagagawang tapusin. Ito ay pwedeng sinadya o hindi sinadya na gusto nyang mangyari subalit nangyari dahil sa kanyang pagpapabukas. Samakatuwid ang Procrastinate ay isang ugaling pwedeng kontrolin o labanan kung aayusin ng tao ang kanyang oras at priorities. Kailangan nyang ayusin ang kanyang time management upang hindi mawalang bahala ang mga bagay na kung saan marami rin ang umaasa.Ito ay tinawag na ring mañaña habit salitang galing sa wikang Español na ang ibig sabihin ay bukas o tomorrow. Ang salitang mañaña o mamaya na ay nagpapahiwatig na gusto nating ipagpaliban o ipagpabukas ang gawain na kung saan pwede namang tapusin sa ngayon. Isang hindi magandang ugali na mas maganda kung ito ay ating aayusin at babaguhin para sa kapakinabangan ng ating sarili.