Na inuulaman ng tuyo o daing
Noodles na mainit, kape o laing
Na pag minamalas- pagpag ang nahihiling
Nakaraanas ka na bang magtapal ng bubong
O magtaas ng gamit kung baha ay lagpas sakong
Sala sa lamig, sala sa init na barong barong
Na pag umuulan panalangin lagi ang bulong
Nakasakay ka na ba sa jeep na mausok
Pag minamalas katabi mo ay nakakasulasok
Kung hindi holdaper, isnatser o may putok
Kahit mahal na pasahe ikaw pa rin ay nasa sulok
Naranasan mo na bang maputulan ng kuryente
O maglagay ng sikwenta sa kanilang ahente
Maiudlot lamang ang putulang naka prente
Para may panahon pang mangutang kay kumare
Nasubukan mo na bang ang tubig ay pilahan
Dahil ang koneksyon ng tubig ay naputulan
Dahil sobrang mahal na singil kaya di nabayaran
Minsan tuloy paliligo akin ng kinalimutan
Naranasan mo na bang magkasakit ng walang gamot
Uminom ng dahon na galing sa hilot
Dahil gamot at ospital ay hindi maabot
Nang pitaka kong laman lang ay kulangot
Bisyo mo ba ay tsismis, tong- it o bingo
Na ang tayaan ay pa piso piso
Na minsan nadadaya pa ng mga loko
Dahil lahat nga ay gustong manalo
Galing sa ukay- ukay na mga damit
Kakaibang- kakaiba na talaga namang marikit
Fur coat at jacket sa bansang mainit
May choice ka ba, yun lang afford mo so take it
Ginantsilyong alambre at pekeng brilyante
Tingga at tanso na pinanday sa kuryente
Pamporma na namin nang magmukang disente
Pag nanilaw siguradong sira ang diskarte
Ganyan ang buhay sa ilalim ng tulay
Sa ilalim ay kahirapan kami na ay nasanay
Kaya mga pulitiko sa amin na ay sanay
PAGBEBENTA NG BOTO NAMIN SILA NAKA ANTABAY.
