"saan ka ba pupunta aking kaibigan
naiplano mo ba ang iyong kalalagyan
inayos mo ba ang iyong daraanan
o katulad ka rin ng iba na bahala na lang!"
(sdc08)
Minsang paglalakad namin ng tatay sa may Maynila- sa kahabaan ng Avenida, napansin ko ang kabayo na humihila ng karitela. Napansin ko ang takip sa gilid ng mata ng kabayo. Agad kong tinanong ang tatay ko kung para sa ano yun at bakit ganun. And sabi ng tatay ko
" Iyang takip na yan ay para diretso lang ang lakad ng kabayo, para dun lang sya pupunta sa dapat nilang puntahan ng kutsero. Para hindi lumihis ng daan at hindi maligaw. Para hindi masilaw at maakit ng mga nakapaligid sa kanya o sa daraanan."
Ngayon ko na realize, yun pala yung pagkakaroon ng isang matibay na misyon na tatahakin sa buhay. Pagiging "focus" sa ating misyon. Dapat diretso, dapat sa iisang direksyon. dapat hindi ka pasisilaw sa mga nakapaligid sa yo na magliligaw lang sa dapat mong puntahan. Ano nga ba ang sabi nila Rick Warren (Purpose Driven) at ni Napoleon Hill (Magic Ladder to Success) ang buhay dapat "purpose driven" at dapat may "definite aim in life"....
No comments:
Post a Comment