ang tsinelas kong butas

"ang tsinelas kong butas
alaala ng lumipas
kahapong nakabakas
damdaming umaalpas

mga panahong nilalakbay
mga lugar na binabaybay
mga alikabok na ginagabay
sinasariwa't sinasalaysay

ang tsinelas kong butas
tama nga bang ibulalas
bagamat sya ay nakalipas
dala naman nya'y pagbabago ng bukas."

(sdc)

Alam ko na ang tanging maibabahagi ko lang sa ating panahon ay ang aking mga nakaraang karanasan sa buhay. Maihahantulad ko sya sa isang butas ng tsinelas...sa layo ng palalakad, sa putik, sa batuhan, sa alikabok, sa tagal ng palalakbay..naluma at nabutas na ang tsinelas. Bagamat siyay luma at butas na..meron pa rin syang kwento...kwento ng paglalakbay....kwento nga nakalipas...na tanging mapupulot ay ang aral na natutunan sa mga karanasan.