Ang Puppet

Isa kang puppet
na laging nakakakapit
sa nanay mong malupit
na lahat iniipit

Muka kang totoo at sadyang makatao
kakabilib plano mo at pagiging matalino
Sabi mo nga galing namiy lilinangin
Aalagaan, ididivelop at pagyayamanin

Pina asa mo kami sa iyong plataporma
Mga pangako mong nakakagana
Ngunit may nalaman ako at nasorpresa
Wala ka naman palang silbit walang kwenta

Ngunit ano nga bat ikay nahalata ko
Ugali mo palay mapag balat aso
Pinaniwala mo ang lahat na ikaw ay makatao
Sa talikuran palay iba na ang anyo mo

Naniwala kami noon sa tapang mot galing
na may magagawa ka sa aming hiling
galing mo pala ay para lang kuting
na umaasa lang sa nanay mong pating

Isa ka lang kurtina sa puting tabing
Na maganda ang harap sa likod ay maitim
Isang kuwagong nagmamatyag sa galaw namin
Na pagkakamali namin ang lagi mong hiling

Laki ako sa hirap

Lumaki akong mahirap, ngunit buo ang pangarap
Na hindi patatalo at laging magsusumikap
Kapos man palagi at basura ang kaakap
Maliwanag na daan ang aking hanap

Sabihin man nilang akoy sang kahig sang tuka
Sa maraming bagay ay salat at nakatunganga
Ulam ko may talbos ng kamote, noodles o wala
Ang kagandahang asal namay hindi nawawala

Sanay akong magdildil sa asin
Hwag lang matulad sa mga ahas at lawin
Na ang maliit ang gustong gawing alipin
Ang yaman at kapangyarihan ay kinikimkim

Sabi ng aking tatay, noong syay nabubuhay
Mas masarap matulog sa isang bahay kubo
Lalo na ang nakatira ay mga tao
Kesa naman sa isang magarang bato
Na ang naninirahan ay buwaya at kuwago.